Innovatzione digitale e agrualimentare

Aprofundimentu de su lunis - "Le nuove frontiere del cibo: food design e fabbricazione digitale tra innovazione e sostenibilità", innovatzione digitale e agrualimentare. Acraramentu in Tàtari cun su "I-Lab" de sa Camera de commèrtziu pro fàghere connòschere a sas aziendas de Sardigna sas potentzialidades de s'innovatzione digitale aplicada a unu setore traditzionale comente su de s'alimentare.

"Le nuove frontiere del cibo: food design e fabbricazione digitale tra innovazione e sostenibilità" est organizadu dae su "I-Lab" de sa Camera de cummèrtziu de Tàtari cun sa collaboratzione tècnica de "Dintec" in intro de su cuntestu "Il digitale non è mai stato così semplice".

Ma ite est "Le nuove frontiere del cibo: food design e fabbricazione digitale tra innovazione e sostenibilità"? Est unu cursu teòricu acumpangiadu dae unu laboratòriu esperentziale

S'apuntamentu est in programma pro giòbia 1 de su mese de làmpadas in sos aposentos de sa Camera de cummèrtziu de Tàtari, in carrera Roma.

A ghiare su cursu at a èssere su professore de s' "UNIMORE" ("Università degli studi di Modena e Reggio Emilia") e de su Politècnicu de Milanu, architetu e "designer", Francesco Bombardi. Bombardi at a acrarire comente su mundu tecnològicu e digitale podet èssere aplicadu a sos cuntestos traditzionales e creativos comente su de su alimentare.

A sos chi ant a leare parte a "Le nuove frontiere del cibo: food design e fabbricazione digitale tra innovazione e sostenibilità" at a èssere acrarida s'elaboratzione de "concept" noos de sos produtos. Su laboratòriu at a incumentzare dae sa chirca e dae s'isvilupu de s'idea fintzas a lòmpere a s'acumprida pràtica, cun s'aplicatzione de sas tècnicas noas de sa fabbricatzione digitale de su màndigu cun s'imprenta 3D, 4D, "lasercut", "robotica" e "termoformatura".

In su cursu ant a èssere aprofundidos finas àteros temas tra custos su de su "food design".
Sos chi ant a leare parte a "Le nuove frontiere del cibo: food design e fabbricazione digitale tra innovazione e sostenibilità" ant a pòdere leare parte finas su laboratòriu esperièntziale imbeniente, pro lu fàghere però si devent iscrìere in antis.