Neunele: torrat su fèstival Licanias

Aprofundimentu de su lunis - Cun sa diretzione artìstica de Giuseppe Culicchia torrat in Neunele su fèstival Licanias, chi in su 2023 at comente tema "Muri".

Su fèstival de paràulas, artes e paesàgios est promotzionadu dae s'amministratzione comunale de sa bidda de su Barigadu cun su contributu de sa Regione Autònoma de Sardigna (Assessoradu Istrutzione Pùblica, benes culturales, informatzione, ispetàculu e Isport ) e de sa "Fondazione di Sardegna", in retza cun sos fèstival "Cabudanne de sos poetas", "Forse alla luna", "bab", "Strangius", "7sere 7piazze 7libri", e in collaboratzione cun s'Unione de sas Comunas de su Barigadu: sa Comuna de Samugheo, sa Comuna de Ardaule, sa Comune de Nughedu Santa Vitòria, sa Comuna de Ula, sa Comuna de Bidoniu, Comuna de Sorradile, sa Comune de Fordongianus, sa Comune de Busache, s' "Istituto Comprensivo" de Samugheo, s' "Istituto Superiore Mariano IV d'Arborea" -- sede de Ilartzi, su Sistema Bibliotecàriu de su Barigadu, sa "Casa Cultura -- Biblioteca Comunale" de Neonele, sa "Consulta Giovanile" de Neonele, su "Centro Servizi Culturali U.N.L.A." - Macumere, su "Centro Servizi Culturali U.N.L.A." - Aristanis, sa "Casa Reclusione" de Aristanis, sa "Casa libreria Emmepi" - Macumere, sa "Libreria Chiara & Stefy" - Ilartzi, s'"Associazione Nati per Leggere", s'"Associazione Lughenè", s'"Associazione Cooperativa e Confronto" e s'"Associazione L.A.S".

Licanias at a incumentzare su su 22 de su mese de làmpadas e at a durare fintzas a su 25 de su mese de làmpadas.

Cun "Muri" in Neunele b'ant a èssere mùsica e paràulas, artes visivas e riflessiones, totus a inghìriu de su tema isseberadu dae Culicchia pro s'editzione 2023 de Licanias, est a nàrrere sos de sos muros. "Muros noos sunt essidos in totue a partzire, a amminudare, ispartzire", si sunt fatos muros - acrarat su diretore artistico,"in tema de diritos, in sa lota sighida e sena de sensu tra sos ùrtimos e sos de duos dae s'ùrtimu e ùrtimos tra sos ùrtimos, in s'ìnteri chi dae s'arresonada pùblica iscumpariat unu tema, chi at a dèvere èssere tzentrale comente su de su traballu".

Sos chi ant a dare impèllida a Licanias sunt duncas Muros sotziales, ma finas muros interiores e muros generatzionales.