In Nùgoro una die pro s’inclusione digitale

Sos pitzocos de su Servìtziu tzivile universale de su Tzentru polifuntzionale de Nùgoro organizant pro cras, su 16 de maju dae sas 11, in carrera de sa Brigata Sassari 21, una die pro s’inclusione digitale. Sos voluntàrios ant a presentare sos servìtzios de suportu digitale, su sistema Spid, sos servìtzios in lìnia de su situ istitutzionale de su Comune, sas prataformas istitutzionales e s’impreu issoro, su computer comente aina de traballu e de disaogu.

m.p.