“A pes de Santu Padre”, sos binchidores de su prèmiu bortigalesu

Sàbadu s’est riunida in Bortigale sa giuria po seberare sas poesias de sa de 7 editziones de su prémiu biennale de poesia in limba sarda “A pes de Santu Padre”. Sos giurados (Duilio Caocci. Domitilla Mannu, Gianfranco Garrucciu, Sebastiano Pilosu, Antonio Brundu e - pro una setzione ebbia - Cinzia Falchi) at fatu custu sèberu

Po sa Setzione A, riservada a poesias in rima e a versu isortu, in mesu a 103 poesias retzidas, sa Giuria at cuncordadu custa graduatòria:

- 1u prémiu a sa poesia “La Fiama” de Antonello Isoni de Palau
- 2u prémiu a sa poesia “Ischire èssere nue” de Pier Giuseppe Branca de Cherémule (res. in Tàtari)
- 3u prémiu a sa poesia “Clivelladura” de Vittoria Anna Perotto de S’Alighera
Mentziones de Onore a sas poesias:
- “Nues” de Eliano Cau de Neoneli (res. in Sòrgono)
- “Cando immannat s’amore…” de Antonello Bazzu de Tàtari
- “Pìulan banderas de foeddos istranzos” de Giuseppe Angelo Puliga de Nughedu Santa Vittoria
- “Si in sinu as un’ ‘idea” de Andrea Meleddu de Sòrgono
- “Li facultai di mamma” de Giuseppe Tirotto de Casteddu Sardu

Po sa Setzione B, riservada a poesias in rima po su cantu corale polifónicu, in mesu a 30 poesias retzidas, sa Giuria at cuncordadu custa graduatòria:

- 1u prémiu a sa poesia “Torra in segus pitzinnia” de Sandro Biccai de Sindia
- 2u prémiu a sa poesia “Non mancan sos alenos” de Domenico Angelo Fadda de Thiesi
- 3u prémiu a sa poesia “Arrosabella de Uras” de Vincenzo Pisanu de Assémini

Sa die de sa premiatzione at a èssere fata a ischire cantu prima.