Sas òperas de Sciola su 16 in su Muacc de Casteddu

Martis su 16, in su Museu universitàriu de sas artes e de sas culturas cuntemporàneas de s'ateneu de Casteddu, ant a inaugurare s’espositzione de sas òperas de Pinuccio Sciola in contu de ambiente e de padentes. In mustra disegnos, fotografias, fotomontàgios e puntas de billete de s'artista de Santu Sparau. Sa tzerimònia de abertura est a sas 6 de merie. Presentes su retore de ateneu Mola e una rapresentàntzia dirigentziale de UniCa e de sa Fondazione Sciola.