Guerrilla gardening, oe in su Tzìrculu su film de Camba

Si b’at una gherra chi cheret fata, cussa est sa pro s’ambiente. Pagos faeddos dèghidos pro presentare sa projetzione de custu merie (a sas 19) in su Tzìrculu de carrera de Molise, in Casteddu: sa pellìcula est su documentàriu "Giardinieri d'assalto, storie di guerrilla gardening in Italia" de Angelo Camba.

Su contu est su de unu movimentu de giardineris no autorizados chi pràticanta sa guerrilla gardening urbana, prantende sèmenes in ue birde non b’at. S’eventu est organizadu dae s’assòtziu Terra Atra e, in pare cun su regista b’ant a èssere, intervistende·lu, sos giornalistas Francesca Mulas e Giacomo Pisano.

m.p.