Santu Diadoru, da oggji a dumínica li tre ciurrati di “Vino Village”

Cu’ l’inaugurazioni in programma pa’ chista sirintina, a li 6 in piazza Gaddura, cumència oggji l’eventu enogastronómicu “Vino village” olganizzatu da l’assóziu “Una scuola sarda” cu' lu patrucíniu di l’amministrazioni cumunali di Santu Diadoru.

Tre li ciurrati cu’ lu ‘inu – mancu a dilla – prim’attori. Ma chissu nèttari no arà a esse solu palchí in programma vi so fina li produttori di óciu, càsgiu, salamu, pani, meli, turroni e alti liccaldúggjini. No arani a faltà assaggji, cunfirènzii e músiga. Cunfolma a lu chi dícini l'olganizzadóri, l’eventu è ecosustiníbbili. Lu programma intreu illu situ santeodoroturismo.it.

m.p.