Torrat "Time in Jazz"

Su fèstival lompet a sa de trintasès editziones
5 Làmpadas 2023
aprofundimentos

Aprofundimentu de su lunis - Torrat "Time in Jazz". Su fèstival ghiadu dae Paolo Fresu lompet ocannu a sa de trintasès editziones. Su fèstival est organizadu dae s'assòtziu "Time in Jazz" cun s'agiudu de s'Assessoradu de s'istrutzione pùblica, benes culturales, informatzione, ispetàculu e isport de sa Regione Autònoma de Sardigna, dae su "Ministero della Cultura", dae sa "Comunità Montana Monte Acuto" e dae sas amministratziones comunales de Belchidda e de sas àteras biddas chi leant parte a su fèstival. S'organizatzione de "Time in Jazz" at peri su contributu de sa "Fondazione Sardegna", de su "Gruppo Unipol", de su "Banco di Sardegna", de sa "Corsica Ferries-Sardinia Ferries", de sa "Fondazione Raul Gardini"e de sa "Fondazione Novamont", cun sa collaboratzione de "Bibanca", de "Rau Arte Dolciaria", de "distilleria Lucrezio R.", de "Geasar", de su "Consorzio Porto Rotondo", de su "Consorzio Puntaldia", de sa "Scuola Holden" e de "Biorepack". "Media partner" de su fèstival "Radio Monte Carlo" ràdiu ufitziale de su fèstival, "Spotify" e "Spreaker".

"Time in Jazz" faghet parte de s'assòtziu "I-Jazz", de su progetu "GreeFest" e de "Jazz Takes The Green", sa retza de sos festiva ecosustenibilies.

"Time in Jazz" est in programma in Belchidda, Altzaghena, Bànari, Bolitzadas, Uddusò, Budune, Chelèmure, Portu Santu Paolu, Logusantu, Mores, Oscheri, Poltu Ridundu, Puntaldia, Santu Tiadòru de Uviddé, Tèmpiu e Tula, e s'at a isboligare dae s'8 a su 16 de su mese de austu.

Chenàbura 11 de su mese de austu "popOFF" at a abèrrere sas chimbe dies de mùsica. Onni die sos cuntzertos ant incumentzare a sas 21.30. Su de sa primu die at a èssere unu donu a sas mùsicas dedicadas a sos pitzinnos. Sas mùsicas sunt istadas isseberadas dae su repertòriu de su "Zecchino d'Oro" e torradas a fàghere in jaz dae Paolo Fresu e de Cristina Zavalloni.

Sos duos cuntzertos in programma sàbadu 12 de su mese de austu at àere comente protagonistas sa pianista Sade Mangiaracina e Eivind Aarset.

S'ispetàculu sighit domìniga 13 de su mese austu cun un'àteru dòpiu addòbiu musicale, a artziare in su palcu ant a èssere Vincent Peirani e Dhafer Youssef.

Ma sa mùsica no est acabbada inoghe, a Belchidda, b'ant a èssere finas sos Farafina, chi ant a abèrrere sa die musicale de su 14 de su mese de austu. Semper pro su 14 est in programma finas su cuntzertu de sos Savana Funk.

Sa die de mesaustu at a èssere sa die de "Good Old Boys Grand Orchestra", una produtzione originale ghiada dae Paolo Fresu chi naschet dae s'unione de sos "Colle der Fomento", formatzione istòrica de s'iscena hip pop, paris a "Kaos & Dj Craim" in cumpangia de sos de "La Batteria".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA

Aprofundimentos

Attività realizzata col contributo della Regione Sardegna - IMPRENTAS 2022-2023. LR 22/2018, art. 22

Image
ras