30mìgia sardos sena rèdditu de tzitadinàntzia
![rdc](/sites/default/files/styles/header_md/public/upload/2023/07/143026577-37407cec-cf40-418d-91cc-f25e481ca9a2.jpg?h=f6ff34d2&itok=_LOOmPZL)
Belle 170mìgia sunt sas famìlias benefitziàrias de rèdditu o de pensione de tzitadinàntzia chi a concruos de chida colada ant retzidu su messàgiu dea s’Inps annuntziende·lis sa suspensione de su sussìdiu dae su mese ch’intrat ca in cussu nùcleu, cunforma a sa normativa noa, non b’at disàbiles, pitzinnos o antzianos. In Sardigna ant a èssere 30mìgia sos òrfanos de su Rdc e, o si devent arrangiare chirchende·si unu traballu ca “ocupàbiles” o ant a pòdere pigare parte a unu cursu de formatzione pro otènnere sa “Misura di inclusione attiva” chi dae cabudanne at a èssere s’agiudu guvernativu printzipale comente sustegnu a su rèdditu. Sos guvernos sighint a giogare cun sa povertade: Di Maio chi nât chi l’aiant abolida; custos chi, inchendende gherra intre pòberos, nde bogant una cosa chi nessi agigu de ossìgenu daiat.
M.P.