Infermieris sena paga pro tres meses de atividade vatzinale

Ant iscritu lìteras a sas diretziones de sas Aziendas ospidaleras e a sa Regione e ant fintzas pigadu parte a addòbios cun sos referentes e coordinadores sindacales, ma sos infermieris de su NurSind galu sunt a àere risposta pro su chi pertocat sos pagamentos mancados de sas atividades vatzinales acumpridas dae su primu de ghennàrgiu de su 2022 a su primu de abrile de su matessi annu. Su coordinadore regionale de su sindacadu, Fabrizio Anedda, at naradu chi sos pagamentos fiant puntuales finas a ghennàrgiu.

Posca, cun su passàgiu de sos dipendentes ex Ats a Areus, sos problemas. A bisu de NurSind sas aziendas si la sunt ghetende dae pala in coddu.

m.p.