Su 5 de austu sos trinta annos de sos Askra

Sàbadu su 5 de austu in La Caletta (Thiniscole) sos Askra ant a festare 30 annos de mùsica pro mèdiu de unu cuntzertu aprontadu pro s’ocasione. Grupu de vàllia de s’iscena rock sarda, sos Askra ant dadu su contributu issoro in s’impreu de sa limba sarda, veìculu de contos de suferèntzia e de reberdia. Sas primas produtziones su 1996 cun su split Ep “Gherramus tott’impare” (cun sos Kenze Neke) e cun A sa muta! A pustis amus connotu Ja Bastat (2000), Hijos (2004), Colores...dolores (2008). Su cuntzertu in sa pratza de s’ex Casello.

M.P.