Creschet s'economia de sa bitzicleta in Sardigna
![ciclo](/sites/default/files/styles/header_md/public/upload/2023/08/pistaciclabile.jpg?h=feadb981&itok=lhIj9S9Q)
“Sa roda girat” est unu ditzu chi tenet diferentes aplicatziones. Si in economia semus andende male lu diamus pòdere nàrrere isetende unu tziclu positivu a pustis. Ma inoghe semus faeddende de rodas de bi-tziclu e cheret chi nos limitemus petzi a sos datos frunidos·nos dae Confartigianato in contu de mobilidade e non de economia cumplessiva.
Semper e cando ocannu b’amus 82 impresas de sa bitzicleta cun prus de 200 addetos (duos annos a como sas impresas fiant 31 ebbia). E sunt prus de 30mìgia sas persones chi l’impreant a fitianu. A determinare custu datu fintzas sa crisi energètica e sos prejos de sos carburantes, gasi etotu sos costos de sos servìtzios de trasportu. Pro sos de Confartigianato Sardegna su datu diat pòdere ingendrare una «immàgine noa de su turismu» e dare impèllida a sa rete tzclàbile regionale.
m.p.