Iscola, belle 3 èuros in prus pro cada libru de testu

Mancat pagu pro torrare a iscola e pro babbos e mamas est tempus de fàghere sos contos pro sos libros chi lis ant a bisongiare a sos pitzocos. Sas noas non sunt bonas, ca cunforma a s’ùrtimu istùdiu de su Coordinamentu de sos presidentes de sos Consìgios de tzìrculu e de istitutu de Sardigna, b’at a àere un’incrementu de belle tres èuros pro cada testu. Custa sa solutzione proposta: aprontare a nou «sa mesa de cuntzertatzione ministeriale» chi no est cunvocada dae 15 annos. Mesas fintzas a livellu territoriale intre Usr, Anci, comitados de genitores, consulta de istudiantes e dotzentes. Ma fintzas «previdire sa possibilidade de iscarrigare sos gastos in decraratzione de rèdditos».

m.p.