Male Cagliari, surra in Bèrgamu

ATALANTA: Musso, Scalvini, Djimisiti, Kolasinac, Zappacosta (80’ Adopo), Ederson (60’ Luis Muriel), De Roon, Ruggeri (80’ Toloi), Koopmeiners, De Katelaere (67’ Holm), Lookman (67’ Pasalic). Allenadore Gasperini

CAGLIARI: Radunovic, Hatzidiakos (64’ Augello), Dossena, Hobert, Nandez, Sulemana (64’ Viola), Makoumbou, Deiola (46’ Zappa), Azzi (78’ Oristanio), Shomurodov (78’ Petagna), Luvumbo. Allenadore Ranieri.

Retes: Lookman 33’, Pasalic 77’

Ammonidos: Deiola 32’, Luvumbo 42’, Djimisiti 54’,

Non bi nd’at. Non b’at mèdiu. Su Cagliari marcat sa de tres derrotas in chimbe partidas e abarrat in tretos malos de sa classìfica. Lòmpidos a Bèrgamu cun s’ispera de òtennere puntos de agiudu, sos casteddajos ant a torrare a Sardigna a manos iscutas pro more de sas duas retes de sos nieddos-biaitos de s’Atalanta. E si no esseret istadu pro sas fainas de Radunovic aìamus pòdidu àere finas àteru contu. Gràtzias a sas paradas o deviatziones suas non ant segnadu De Ketelaere a su de 12 minutos e Ruggeri a su de 37. Custu aiat pòdidu raddopiare ca 4 minutos in antis b’at pensadu Lookman cun atzione comintzada dae Koopmeiners. S’àtera rete a su de 77 cun Pasalic (nùmeru 88 croatu...). B’at de nàrrere finamentas chi s’Atalanta contat unu gol annulladu, traversa e palu in una matessi atzione. Nemmancu su gol de sa bandera candi a su de 82 Oristanio tzentrat sa traversa.