Serie C. Bona la primma pa’ la Torres e l’Olbia

Recanati. Ischumenzu bonu assai pa’ la Torres chi à vintu 2-1 innanzarimani i’ lu campu di la Recanatese. Sassarési in vantàggiu a lu vintinobésimu cu’ lu gol di cabbu di Francesco Ruocco. Li paddroni di casa paréggiani li conti a zincu minuti da lu frùsciu di lu sigundu tempu cu’ lu difensori torresinu Nicolò Antonelli chi fazi autogol. Ma a lu zinquantunésimu accó lu tiru frimmu di lu capitanu Gigi Scotto e lu gol di li tre punti.

Tarranóa. Cu’ lu mattessi risultatu, l’Olbia à vintu illu Nespoli contr'a lu Cesena. Malcaturi abbalti cu’ lu gol di Nicola Nanni, a lu di vintisetti minuti, silvutu da Roberto Biancu infattu a un tiru traessu di Daniele Ragatzu. L’ex attaccanti di lu Cagliari poni lu palloni illa rezza déci minuti dapói cun tiru da li úndici metri (fallu di Daniele Donnarumma trattinendi a Christian Arboleda). Lu gol di la bandéra lu Cesena lu malca Roberto Ogunseye illu minutu di 74.