Sèrie A. Un'àteru puntu ebbia pro su Cagliari

CAGLIARI. Radunović, Dossena, Deiola, Prati (80’ Di Prato), Hatzidiakos (80’ Obert), Wieteska, Augello (67’ Azzi), Zappa (80’ Nandez), Makoumbou, Pavoletti (60’ Shomurodov), Luvumbo. Allenadore: Claudio Ranieri

UDINESE. Silvestri, Perez, Bijol, Kabasele (38’ Ebosse, 45’ Guessand), Festy, Samardzic, Walace, Lovric, Kamara, Thauvin (82’ Pereira), Lucca. Allenadore: Andrea Sottil

Ammonidos: 63’ Thauvin

Espulsos: Wieteska dòpiu grogu (59’ e 95’)

Àrbitru: Daniele Doveri

Ambas duas sas iscuadras fiant in cherta de sa prima vitòria issoro ma nemmancu custu giru bi l’ant pitzigada. Sa diferèntzia fiat però in su nùmeru de parègios chi fiat unu pro su Cagliari e duos pro s’Udinese. Custu cheret nàrrere chi sos casteddajos, cun su 0-0 de oe abarrant a dos puntos. E custu cheret nàrrere chi sos ruju-biaitos si firmant in penùrtima positzione sena cunsiderare su resurtadu de sa gara de fundu de classìfica de custu sero intre Roma e Empoli. Non b’at meda de nàrrere de su 0-0 de oe, ma est beru finamentas chi, a banda su perìgulu Thauvin a comintzu de gara, su Cagliari si nch’est acurtziadu prus bortas a sa rete: cun su palu de Luvumbo a fine de primu tempus e cun Dossena e Deiola in sa ripresa. Radunovic, imbetzes sarbat su resurtadu a fine gara.