Su Milan binchet in Casteddu, Cagliari in ùrtima positzione

CAGLIARI. (4-4-2) Radunovic; Zappa (81’ Di Pardo), Wieteska (46’ Oristanio), Dossena, Hatzidiakos; Nandez, Makounbou, Sulemana, Augello; Petagna (67’ Viola), Luvumbo. Allenadore: Ranieri.

MILAN. (4-3-3) Sportiello; Florenzi, Thiaw, Tomori, Theo (84’ Bartesaghi); Loftus-Cheek, Adli (58’ Pobega), Reijnders (58’ Musah); Pulisic (67’ Romero), Okafor, Chukwueze (67’ Leao). Allenadore: Pioli

Àrbitru: La Penna

Retes: 29’ Luvumbo, 41’ Okafor, 46’ Tomori

Ammonidos: 42’ Wieteska, 47’ Loftus-Cheek, 53’ Zappa, 76’ Oristanio

A pagu tempus dae sa de 5 giorronadas de su campionadu de sèrie A, is iscuadras sunt torradas a catzigare is padros birdes de is istàdios pro cunfirmare bonos resurtos o pro barigare fainas metzanas e positziones crìticas in classìfica. Intre is primas su Milan chi, in antis de su disafiu de oe, at pèrdidu contra a s’Inter ebbia. Intre is àteras su Cagliari, petzi cun duos puntos cun tres derrotas (s’ùrtima in Bèrgamu). E giai dae su comintzu de gara ambas duas comintzant a mustrare s’atza issoro. Mancu colada sa mes’ora de giogu acò sa rete de Luvumbo cun su vantàgiu casteddaju: grandu tiru mànchinu isfrutende sa pèrdida de botza dae parte de Adli. A su de 40 su Cagliari ddoe proat torra cun Sulemana, ma su minutu a pustis su Milan parègiat is contos cun Okafor serbidu dae Pulisic e aprofitende·si·nde de s’errore de Radunovic. Partziale bortuladu a concruos de primu tempus: totu movet dae unu tiru dae su cugione cun Tomori capatze de isfrutare mègius sa botza posta in mesu dae Reijnders. Comintzu de ripresa cun ambas partes gherrende (Luvumbo sena pasu) e pighende targhetas grogas: in antis Loftus-Cheek e a pustis Zappa. S’ammonidu milanista a su 60’ marcat s’1-3 cun grandu tiru dae 25 metros: Radunovic nudda podet; chilighia in s’Unipol Domus. Pro totu su restu de sa gara. Como su Cagliari est in ùrtima positzione, c ain su mentres s’Empoli at bìnchidu contra a sa Salernitana. Ària bàscia in Casteddu, ma s’ispera abarrat.