Casteddu inchigiat unu defribillatore “inteligente”

Aprofundimentu de su lunis - Casteddu inchigiat unu defribillatore "inteligente". Sa màchina s'agatat in Corso Vittorio Emanuele II, in cara de sa Piazza Yenne, e est collegada cun su 112, est a nàrrere cun sa tzentrale operativa de s'"ARES". Su chi est importante, però, est ca su defibrillatore at a podet èssere impitadu dae chie si siat.

Su defibrillatore "inteligente" est istadu cunsignadu a manera ufitziale a sa tzitade de Casteddu dae sa "ABBI Group", cun s'augùriu chi non serbat mai. Su "defibrillatore" est istadu assentadu su 29 de su mese cabudanni coladu, pro sa "Giornata mondiale del cuore" promotzionada dae sa "World Heart Federation", e, tocat a sutalineare, est fàtzile de impitare peri dae chie no at una preparatzione ispetzìfica in màteria sanitària.

No est totu. Cun s'installatzione de su defibrillatore "inteligente", sa "ABBI Group", cun su patrotzìniu de su Comune de Casteddu e de sa Tzitade Metropolitana de Casteddu, cun sa "partnership" de s'Assòtziu "Cuore e Rianimazione" e paris cun sa "Cecchini Cuore Onlus", sa "Re - heart", sa "IRC-Comunità" e "Donne Distribuiscono Defibrillatori", at cumentzadu totu una filera de atividades de imparu chi ant interessadu sos traballadores de su comunu, ma finas sa gente comune.

S'inchingiadura de su defibrillatore "inteligente" est istada acumpangiada dae una dèdica ispetziale fata pròpiu dae s'"ABBI Group". S'azienda at intitoladu su "totem" chi incluit su defibrillatore a unu traballadore cosa sua. Su traballadore si lamàt Sandro Balbina e est mortu de repente pro more de su coro.

"Pro custa resone - at acraradu su Diretore Generale de s''ABBI Group' Stefano Ibba - pro nois custa màchina est importante meda". S'ispera est sa chi su defibrillatore "inteligente" potzat èssere de àgiugu a sos chi si podent agatare in una cunditzione de perìgulu grae pro sa salude issoro.