Insulina, «Perunu problema cun sa pinna Lispro Sanofi»
Lu narat su dotore Alfonso Gigante, responsàbile de sa Diabetologia de s'Ospidale Zonchello de Nùgoro
![aslnuoro](/sites/default/files/styles/header_md/public/upload/2023/06/asl%20nuoro.jpg?h=feadb981&itok=5b7IuQvR)
Novidades in contu de sas pinnas pro sos diabèticos. Su dotore Alfonso Gigante, responsàbile de sa Diabetologia de s'Ospidale Zonchello de Nùgoro est dende a ischire a sos mèigos de meighina generale, a sos farmatzistas e a totu sos patzientes cun diabete, chi sa pinna de insulina Humalog KwikPen podet èssere sostituida dae sa pinna Lispro Sanofi. «Sos duos produtos - ispiegat Gigante - contenent insulina biosimilare cun sa matessi cuntzentratzione. Calidade, eficàtzia e seguresa sunt che pare».
m.p.
© RIPRODUZIONE RISERVATA