La Torres à ischuttu la Juve. E fàzini dizóttu

Ani dittu chi la Torres éra cumenti l’Inter. Éra: abà li milanési no so a puntèggiu pienu. E mancarri la di arimani no éra la primma isqhuadra di li “gobbi”, abà podimmu dí chi la Torres à ischuttu la Juve. Li sassarési tòrrani dunca da Alessandria a la ziddai cun althri tre punti. Chi multhipricaddi pa’ séi fàzini dizóttu. No è cosa di poggu: cun chisthu risulthaddu li òndizi di Greco so l’ùnica fuimmazioni in Itàlia cun zeru paréggi e zeru ischunfitti fàccia a la séttima zurradda di campionaddu. I’lu campu avversàriu non v’è isthaddu avversàriu pa’ tuttu lu primmu tempu cun più di un’occasioni pa’ ibbruccà la parthidda. Lu gol a lu minutu di 74 cun Liviero chi à casthigaddu la difésa biancu-niédda senza probremi. Ma finza chisthu giru méritu mannu è di Zaccagno chi, i’lu recúperu, à evitaddu lu paréggiu di la répura noba di la Juventus.

L’Olbia à inveci paldutu illu pratu ‘eldi di lu Nespoli: a déci minuti da lu frúsciu finali, difatti, l’Ancona à malcatu lu gol di la vittória chi à lacatu li patroni di casa a 8 punti.