Lega Pro. Sigundu paréggiu pa’ la Torres. E abà v’è lu Pescara

La crassífigga di la sèrie C è sempri cu’ la Torres in primma pusizioni ma la disthanza è di sóri tre punti. Finza lu Cesena à pareggiaddu arimani, ma li sassarési ani pessu l’occasioni di illongà lu passu. La parthidda è finidda 0-0. Allenaddori e giuggaddori so cuntenti lu mattessi pa’ la presthazioni, ma abà v’è lu Pescara (sempri a 3). E la nezzessiddai di turrà a vinzì pa’ non pirdhí lu primaddu soritàriu. L’Olbia malca inveci la scunfitta di quattru: 1-0 pa’ lu Gubbio.