Paolo Angeli e Andrea Andrillo intre sos premiados de su “Parodi”

Dae su 12 a su 14 colados de custu mese, su teatru “Massimo” de Casteddu at ospitadu sa de 16 editziones de su “Premio Parodi” ghiada dae sa diretora artìstica Elena Ledda. In cussa sede sos finalistas ant propònnidu duos branos peròmine e omenagende a Andrea Parodi. Su contest l’ant bìnchidu sos campanos Osso Sacro, ma sa giuria at intregadu su prèmiu “Albo d’oro 2023” a su musitzista Paolo Angeli e su de sa Crìtica a su cantautore Andrea Andrillo (mentzionadu finamentas pro su mègius testu).