Santugaine rosa in Ogiastra contra a sos tumores

S’Asl ogiastrina est promovende una campagna de controllu “Ottobre rosa” in contu de preventzione de su tumore mammàriu destinadu a fèminas intre sos 50 e sos 69 annos. Su tzentru screening est imbiende sas lìteras de invitu a sas residentes in sos Comunes de s’Asl Ogiastra in intro de cussa fàscia de edade pro fissare un’apuntamentu in sa Radiologia de s’ospidale N.S. de sa Mertzede de Lanusè». A su presente sa pertzentuale de risposta est galu bassa. Petzi su 38%.