Sèrie A. Vitòria ispantosa de su Cagliari

Fata! B’at chertu unas cantas giorronadas pro bi lòmpere, ma oe su Cagliari si nch’at leadu in fines sos tres puntos. E l’at fatu pro mèdiu mancari fiat perdende 0-3 in domo contra a su Frosinone. Ma s’iscuadra b’est, comente amus iscritu sa chida colada cando paregeit a concruos. E oe l’at mustradu. Sos istràngios latziales pariant dominende sa partida cun sas retes de Soulè (a su de 23 e a su de 37) e de Brescianini (49’). Segundu tempus diferente e ritmu cardìacu prus chi non complicadu pro sos tifosos de s’iscuadra de Casteddu chi at fatu s’impossìbile (faghende·si perdonare unu rigore faddidu a sa mes’ora) cun Oristànio e Makoumbou in giru de pagos minutos a pustis de su de 70 e cun Pavoletti chi nd’at marcadu duas a tempus regulamentare iscadidu dae 4 e dae 6 minutos.