Setti vittórii in setti parthiddi. Torres a funi iscioltha

E un’althra è postha a parthi. E finza la Lucchese à pessu contr’a li sassarési chi abà so a 21 punti cu’ setti vittórii in setti parthiddi. Dui li reti marchaddi da la Torres: Fischnaller i’ lu primmu tempu e Ruocco i’ la riprésa. La gara no éra fàziri e li di Lucca l’ani fattu a vidé cun giuggadori di primma e cu’ lu gioggu orghanizaddu assai beni. La Lucchese, à zentraddu una trabéssa e s’à agattaddu un Zaccagno sempri in foima. Ma li turritani so sempri a funi iscioltha. La Torres è sóra cu’ la mégliu difésa di lu campionaddu. E abà lu 15 in Perugia.

L’Olbia malca inveci una scunfitta nóa. 3-1 lu risultatu finali contr’a la Virtus Entella in Chiavari. No è bastatu lu parèggiu di Ragatzu pa’ mutà li solti di la paltita. Li patroni di casa n’ani fattu alti dui illu sicundu tempu.