«Su primu chi devet dare de prus so deo», narat Ranieri

«Aìamus comintzadu bene cun cussa ocasione de Petagna, posca amus incassadu sas retes issoro, unu pagu pro neghe nostra, unu pagu pro mèritu issoro. Tenimus unu motore diferente dae s’issoro ma como tocat a comintzare a fàghere su campionadu nostru. No at a èssere fàtzile ca semus sos ùrtimos arribados, ma semus unidos. Amus fatu una bella gara ma cando faddis pagas, mescamente contra a iscuadras comente Roma, Inter, Fiorentina o Milan». Est su chi at naradu Claudio Ranieri a pustis de sa derrota, un’àtera, de su Cagliari. «No at a èssere fàtzile, l’apo semper naradu, ma sighimus a gherrare- Totu cantos cheret chi diamus de prus ca si nono no est bastante. Non semus benende dae unu campionadu de B dominadu, ma dae una promotzione a s’ùrtimu. Su primu chi devet dare de prus so deo».