“Clothes sharing” e regorta alimentare in Tàtari
![sadomodetotus](/sites/default/files/styles/header_md/public/upload/2023/11/sadomodetotus.jpg?h=feadb981&itok=_UJsboUL)
Custu sàbadu, a banda de mangianu, a sas 10.30 in sa sede issoro de carrera de Frigaglia 14/b, sos de Sa Domo de Totus ant a presentare s’initziativa mutualìstica de “clothes sharing” e regorta alimentare. Ant a pigare parte a sa cunferèntzia de imprenta Rosalba Pisanu (responsàbile mutualismu de Sa Domo de Totus), Filippa Cosseddu (Sogit Croce di San Giovanni), Dario Arca (Fronte della Gioventù comunista) e Fabrizio Cossu (presidente de Sa Domo de Totus). In su matessi apuntamentu sa Sogit at a donare a Sa Domo unu càrrigu de lentzolos pro los intregare a s’indonu a sa populatzione.
m.p.