Derrota in su Maradona: Napoli 2, Cagliari 1
NAPOLI: Meret - Di Lorenzo, Rrahmani, Juan Jesus, Natan (59’ Duarte) - Anguissa, Lobotka, Cajuste (59’ Raspadori) - Politano (90’ Zanoli), Osimhen (82’ Gaetano), Kvaratskhelia (90’ Lindstrøm). All. Mazzarri.
CAGLIARI: Scuffet - Nandez, Goldaniga (79’ Lapadula), Dossena, Augello - Makoumbou, Prati, Jankto (46’ Deiola) - Oristanio (68’ Luvumbo) - Pavoletti, Petagna (46’ Obert). All. Ranieri.
Àrbitru: Marcenaro
Ammonidos: 45’ Osimhen; 45+2’ Pavoletti, 45+2’ Goldaniga, 45+4’ Rrahmani, 63’ Augello. 85’ Duarte, 88. Politano, 90+1’ Anguissa
Retes: 69’ Osimhen, 72’ Pavoletti, 75’ Kvaratskhelia
Est unu Cagliari de bona muta su chi nch’est lòmpidu a su Maradona de Napoli contra a sos asulos de Mazzarri. Sa vitòria de sa giorronada in antis, cun sas retes de Lapadula e Pavoletti in foras de su tempus regulamentare. nch’at bogadu tando sos casteddajos dae sa zona retrotzessione. Gara comintzada trighende de mes’ora. Sos campiones de Itàlia fràigant carchi atzione e corfent fintzas su palu cun Rrahmani ma su primu tempus finit 0-0 e cun su napoli chi lassat su campu e sos tifosos partenopeos a frùschios. In su segundu tempus sasa retes: a su de 69 minutos Osimhen de conca; a su de 72’ parègiat sos contos Pavoletti ponende·nche intro una bella botza servida dae Luvumbo; a su de 75 Napoli torra in vantàgiu cun Kvaratskhelia cun assist de Oshimen (chi fatu fatu essit dae campu pro neghe de dolores a s’imbena). Oe perunu puntu. E como ogros a Torino-Empoli (custu sero), Fiorentina Verona e Udinese Sassuolo (cras).
.