Lapadula e Pavoletti! Tres puntos pro su Cagliari

CAGLIARI: Scuffet - Zappa, Goldaniga, Dossena, Augello (92’ Mancosu) - Sulemana (59’ Luvumbo), Prati (92’ Petagna), Nandez (59’ Pavoletti) - Viola - Lapadula, Oristanio (74’ Shomurodov). Allenadore: Ranieri

SASSUOLO: Consigli - Toljan, Erlic, Ruan, Vina (73’ Bajrami) - Henrique, Racic (81’ Volpato) - Castillejo (65’ Ferrari), Thorstvedt, Laurienté (65’ Pedersen) - Pinamonti (81’ Mulattieri). Allenadore: Dionisi

Àrbitru: Mariani

Ammonidos: 9’ Laurienté, 35’ Ruan, 42’ Erlic, 55’ Goldaniga, 69’ Consigli, 93’ Thorstvedt, 95' Mulattieri

Espulsos: 62’ Ruan (segundu grogu)

Rete: 7’ Erlic, 94' Lapadula, 97' Pavoletti

Sete. Sete sunt sos minutos chi colant dae su frùschiu de comintzu de su diretore de gara. Sete chi, una bia colados, marcant in su tabellinu su vantàgiu de su Sassuolo. Tiru dae su cugione de Laurienté, bi lompet Erlic chi de conca befat a Scuffet. Su Cagliari bi proat e a su de 20 si nch’acurtziat fintzas a su parègiu. Sa partida sighit cun carchi càmbiu e carchi àtera ammonitzione in su segundu tempus (Sassuolo in 10 pro targhita groga dòpia a Ruan); su Cagliari protestat a su de 76 pro sa botza in su bratzu de Bajrami ma Mariani lassat cùrrere. Pagos minutos a pustis bi proat Luvumbo ma su tiru no est de sos mègius. Gasi etotu bi proat Pavoletti a su de 88 (Viola dae su cugione) ma Henrique sarbat in sa lìnia. A su de 90 Bajrami nche la ponet in intro ma (cosa cunfirmada dae su Var) fiat foras de giogu. In fines su parègiu de sos nostros a su de 94: Luvumbo crossat a tzentru e Lapadula insacat. Unu puntu ebbia? Nono ca a su de 97 bi pensat Pavoletti cun una bete de rovesciada.