Sa Torres domìniga in Cesena. Est a bìnchere

Disafiu mannu domìniga su 17 in Cesena pro sos ruju-biaitos tataresos cun sa punna chi est sa de torrare a èssere primos a pustis de una detronizatzione acontèssida dae pagu.

Pro bi lòmpere sa Torres devet bìnchere e, de custa manera, marcare unu +1 in antis de sos romagnolos. Ambas duas iscuadras sunt dende grandu proa in unu campionadu ue sa de tres classificadas nch’est a 10 puntos in mancu dae sa segunda e a 12 dae sa prima. Su Cesena a su presente contat 13 vitòrias, tres parègios e una derrota. Una sa derrota fintzas pro sa Torres (su 5 de santandria contra a sa Virtus Entella) chi de parègios nd’at 4 e de vitòrias 12 (8 una in fatu a s’àtera dae su comìntzu de su campionadu). Non b’at a àere duncas àteru campione de ierru: su girone de andada finit su 22 de nadale e diat èssere una bella pasca pro Tàtari si sa Torres bi resesseret. Sa tzitade est cun s’iscuadra e simpatia manna b’at fintzas dae sos àteros chirros de Sardigna. Cheret chi pro custa trasferta sa Torres retzat su prus sustegnu mannu pro chi su bisu sigat. E avanti fozza, fozza, fozza Torres di lu me’ cori!

m.p.