Suitzìdiu o àteru in Aristanis? Sa sorre de unu presoneri mentovat unu supertestimòngiu

«Cherimus ischire sa veridade pro sa morte de frade meu. Cherimus chi li fatzant s’autopsia, mescamente como chi unu supertestimòngiu at contadu chi a Stefano l’ant mortu ca aiat bidu duos agentes durante unu raportu sessuale». Est su chi at naradu a sos micròfonos de s’Ansa sa sorre de su presoneri romanu, Marina Dal Corso, mortu su 12 de santugaine de s’annu coladu in sa galera aristanesa de Massama. S’acontèssida fiat colada comente suitzìdiu ma su teste narat chi l’ant fertu a corfos de manganellu in chimbe e, una bia ochidu, l’ant truncadu su tzugru pro simulare sa morte pro manu sua etotu. Su superteste, asu chi leghimus in s’Anda, est un’agente chi traballaiat in foras ma chi podiat intrare a s’istrutura. Semper in s’Ansa leghimus chi b’at un’interrogu in parlamentu istèrridu dae sos deputados Pd Serracchiani, Gianassi, Di Biase, Lacarra e Zan.