Torres in cherat de su tìtulu ierrile gioghende in Tàtari e abbaidende a Perugia

Chenàbura su 22 e sàbadu su 23 lompet a sos concruos suos su girone de andada de su campionadu de sèrie C. Sa Torres at a giogare in Tàtari contra a su Pineto, cun bona muta a pustis de sa bella gara de domìniga in Cesena, in su campu de sa cabulista. Custos imbetzes ant a giogare sàbadu in Perugia.

Est craru chi ambas duas sas iscuadras cherent bìnchere pro sa conchista de su tìtulu ierrile, ma est craru finamentas chi no at a èssere custu passàgiu a determinare s’andanta de su campionadu chi at a sighire dae ghennàrgiu finas a su 28 de abrile. Sos tataresos, sena sa matessi rosa de sos romagnolos, sunt dende una bella proa de fùbalu e de seriedade comunitària chi est collende sustegnu dae cada chirru de Sardigna. Male imbetzes s’Olbia chi a su presente est in zona playout.  

m.p.