Torres: tre punti impurthanti abbaiddendi a lu Cesena

A la Torres li tocca a no assè assai addaréddu di un Cesena finza chistha chédda vittoriósu la dí innanzi. Li tre punti so addunca un òbbrigu. È pa’ chisthu chi li sassarési mùsthrani prontamenti li mègliu intinzioni: a lu minutu di 13 è Fischnaller (bòccia fruttuósa di Scotto) a inagurà li marchadduri. Zincu minuti addabboi accó lu raddóppiu cun Ruocco: Zecca ricúpara lu palloni pa’ l’innúmmaru 10 chi zi la poni drentu. Li di l’Arezzo ridúzini li disthanzi a lu di 31 e lu primmu tempu fini cun chisthu risurthaddu. La parthidda sighi cun occasioni pa’ li paddroni di casa e li isthragni, chi paréggiani li conti a lu di 71 cun Gucci. Ma dui minuti addabboi accó lu 3-2 marchaddu da Mastinu chi turra a azzindì li ippiranzi di piglià pa’ li zuffi lu Cesena. Dumènigga l’althra lu match in casa di la cabbu-listha.