Ranieri a pustis de sa derrota cun su Torino: «Diamus ondras a Riva»

Partida càrriga de emotziones sa de eris in Casteddu, a pagas dies dae s’interru de Gigi Riva. Su Cagliari at giogadu contra a su Torino in un’istàdiu in ue s’istima pro Rombo di Tuono beniat dae ambas tifoserias. Sos ruju-biaitos ant petzi marcadu su gol de sa bandera cun Viola a su de 77 a pustis chi fiat perdende 0-2 cun retes de Zapata e Ricci. Ranieri, dispràghidu pro sa derrota, at ammentadu gosi a Riva: «Como tocat a li dare ondras». Ànimu duncas, conca a sa sarvesa.