Carrasegare malassortadu pro su fùbalu sardu

Carrasegare malassortadu pro su fùbalu sardu. In sèrie A su Cagliari at marcadu sa de bator derrotas s’una in fatu a s’àtera. A pustis de àere pèrdidu contra a sa Roma, eris at finidu sa partida contra a sa Lazio a manos iscutas retzende tres retes e faghende·nde una ebbia. Est de pagas oras sa nova chi Ranieri si cheriat dimìtere ma sa sotziedade at naradu chi nono sighende a li dare cunfiantza. Male fintzas sa Torres in Sèrie C chi at torra pèrdidu (3-1) e su Cesena torra bìnchidu. Sos tataresos sunt in perìgulu de tzèdere sa segunda positzione in pagas giorronadas.