Confartigianato: -24 milliones de export in 2 annos de gherra in Ucraina

Cunforma a sas ùrtimas rilevatziones de s’Ufìtziu istùdios de Confartigianato Sardegna movende dae sa base Istat, e cun perìodu ligadu a custos 24 meses de gherra in Ucraina, b’at àpidu una mèngua de 24 milliones de export: 22 pro su chi pertocat sa Rùssia e 2 pro s’Ucraina. Custos sos setores interessados: alimentares, bestimentas, artìculos in pedde, machinàrios e atretzaduras, roba, mobìlia, linna e suèrgiu, produtos de imprenta, chìmicos e rafinados.