Gal e Comunidade montana contra a su parcu eòlicu a ogros a su Supramonte

Su Gal Barbàgia, sa Comunidade montana de su nugoresu e su Cda de su Distretu rurale costituende·si si sunt aunende a sa batalla de sas comunidades de Nùgoro, Orgòsolo e Ulìana contra a su parcu eòlicu chi sa Scirocco Prime srl diat chèrrere artziare a ogros a su Corrasi e a su Supramonte. «Su territòriu nostru est ricu de biodiversidade – at naradu Paolo Puddu de su Gal –. Custu parcu diat pòdere cumpromìtere flora e fàuna». «Unu parcu che a custu – at annantu Marco Ziranu de sa Comunidade montana – nch’isperdet ideas e progetos nostros. Bi cheret un’echilìbriu intre sa promotzione de sas rinnovàbiles e s’amparu de s’ambiente montanu».

m.p