Parègiu de ispera contra a su Napoli

Su resurtadu fiat de 0-1 finas a su 96’. Ma in cussu minutu su Cagliari at disinnadu de si nche lu pigare su puntu pro se. Sos òspites, dae tres meses sena bìnchere in trasferta, fiant pro bi resèssere gràtzias a sa rete de Osimhen serbidu dae Raspadori. B’at pensadu Luvumbo in extremis a paregiare sos contos (aprofitende·si·nde de una faddina de Juan Jesus), pro una partida chi est comente una vitòria.