Sa Natzionale Sarda at a partetzipare a sa Corsica Cup

Sa Natzionale Sarda de fùbalu at a leare parte a su torneu internatzionale "Corsica Cup" chi s'at a fàghere dae su 22 a su 25 de maju de ocannu intre Porto-Vecchio e Bastia in Còrsica. Ddu faghet a ischire sa FINS, sa federatzione de is natzionales isportivas sardas, a pustis de àere retzidu s'invitu ufitziale dae sa Corsica Football Association. Su torneu at bìdere impignados, in prus de is atletas de mister Vittorio Pusceddu, fintzas sa natzionale sitziliana, sa corsa e sa de Saint-Martin, in unu formadu a eliminatzione direta cun semifinales e finales. «Semus medas prexiados de partetzipare a custu eventu - at naradu Gabrielli Cossu, presidente de FINS - chi at a èssere una mustra internatzionale de importu mannu e bona pro ammanniare totu su movimentu de su fùbalu sardu. A pustis de sa gara in domo in Terranoa contra de sa Còrsica in su 2019 e sa partida in domo de sa Sitzìlia  in su 2022, non bìdimus s'ora de torrare a giogare pro mantènnere in artu su nùmene de sa Sardigna». Su 22 e su 23 b'ant a èssere sas semifinalesin Porto Vecchio: Còrsica - Sardigna e Sitzìlia - Saint-Martin. Su 25 sas finales in Bastia.

m.p.