Sa Torres torrat a bìnchere

Su Cesena at torradu a bìnchere mustrende a totu cantos sas intentziones e s’andanta suas conca a sa sèrie B sena colare dae sos play off. S’iscuadra b’est, s’iscuadra est forte e sa sotziedade podet. Ma sa Torres eris at bortuladu sa tendèntzia de sas giorronadas coladas binchende issa puru 0-2 in trasferta contra a sa Lucchese. Fiat su resurtadu isetadu a pustis de sas derrotas cun sa Carrarese e cun sa Juventus Next Generation. «Bravos sos pitzocos - gosi mister Greco -, ant giogadu cun s’ispìritu giustu e dadu grandu proa de caràtere. Cherìamus sa vitòria pro nch’essire dae su perìodu nieddu». Sas retes ambas duas in su primu tempus. Ambas duas a comintzu de gara: a su de 5 minutos est tocadu a Masala; 4 a pustis a Giorico.