Sanidade in crisi, sa protesta de sa Cgil

«In ghenugros est sa sanidade gadduresa. Progetos cuncretos bi cherent pro torrare a organizare a sa sèria su sistema. Su 17% de sa populatzione de inoghe nche brincat sos 70 annos e est inoghe mescamente chi semus bidende cunditziones semper peus in contu de sistema sanitàriu pùblicu». A lu nàrrere est Jessica Cardia de sa Fp Cgil Gallura, sindacadu chi custu mangianu at manifestadu a ogros a s’ospidale Giovanni Paolo II de Terranoa. Listas de isetu prus chi non longas, orgànicu carente e pagas rispostas a sas persones cun disabilidades. Eris sa manifestatzione fiat in Tàtari e cras nch’at a lòmpere a Nùgoro. giòbia a Aristanis e chenàbura a Casteddu.