Sas ghias turìsticas a sa Regione: «Ponide manu a sa lege 190»

Sas ghias turìsticas sardas apartenentes a s’Argts ant iscritu a s’assessoradu regionale de su Turismu pro chistionare de sa normativa natzionale noa e de sas crititzidades suas. B’at difatis novidades pro sas ghias sardas (sas chi galu no lu sunt e sas chi emmo) chi como si nche devent marcare a s’elencu italianu nou. Pro primu cosa sas abilitatziones de sa Ras, a diferèntzia de sas de àteras regiones, no inditant sas limbas de traballu, nen sas ispetzializatziones otènnidas, cosas chi impedint s’iscritzione a s’elencu natzionale. In prus b’est su problema de sa prestatzione ocasionale e temporànea pro sas ghias istràngias cuantificada in 60 dies, belle un’istajone intrea. Pedidu un’addòbiu urgente.