Vitòria noa de sa Torres. 1-2 in Pontedera

Sa Torres at bìnchidu sa gara de antìtzipu de sa de 28 giorronadas de sèrie C. Duas sas retes de sos tataresos in Pontedera, cun sos padronos de domo chi nd’ant fatu una ebbia. Assentes Idda, Fabriani, Zecca, Diakite, Fischnaller e Cester, ma s’iscuadra at fatu su matessi unu giogu bellu e chi at cumbìnchidu acurtziende·si·nche a su gol cun Mastinu e Ruocco e un Zaccagno sarvende su resurtadu de su primu tempus. In sa segunda fase de giogu est Gigi Scotto chi marcat su vantàgiu e cun Zambataro chi faghet su 0-2. Totu custu in unu cuartu de ora. A concruos de gara su gol de sa bandera de su Pontedera. S’idea de mantènnere sa segunda positzione b’est totu canta.