Annotu, sighit su progetu de Lunàdigas

Lunàdigas, a la nàrrere totu canta, est unu tèrmine impreadu pro su prus peri sos sartos pro sas bèstias chi non sunt a tretu de angiare. Ma sigomente, in cara a faeddos negativos càrrigos de pregiudìtzios, nd’ant chertu agatare unu privu de negatziones, Marilisa Piga e Nicoletta Nesler ant comiintzadu a l’impreare noe annos a como pro sas fèminas umanas chi disinnant de non nd’àere de fìgios. Dae tando in susu esseit unu web doc, unu film premiadu in ses de trinta festival in ue fiat presente, unu “archivio vivo” e como “Annotu”, una regorta in lìnia de testimonias vìdeo in limba sarda e in limbas minoritàrias de Sardigna. In custu archìviu podimus una cantas istòrias in contu de genitorialidade. Annotu est in lìnia a custu indiritzu https://annotu.lunadigas.com/guarda/