Biliardinu in carrotzina, sàbadu mangianu su campionadu sardu in Ceràxius
![saspo](/sites/default/files/styles/header_md/public/upload/2024/03/Atleti%20Sa.Spo%20impegnati%20in%20una%20gara%20nazionale.jpeg?h=3318c286&itok=Nzy9knvv)
Apuntamentu de importu pro sos amantiosos de s’isport abertu. Sàbadu mangianu, dae sas 10 in su tzentru cummertziale I Fenicotteri de Ceràxius, b’ant a èssere sos campionados sardos paralìmpicos de biliardinu de sa Fpicb (federatzione paralìmpica de calcio balilla). Organizat s’eventu SaSpo (Sardegna Sport). In cussu mangianu s’ant a assignare sos tìtulos maschiles e feminiles partzidos pro classe isportiva. Sa SaSpo at a pigare parte cun unos dòighi atletas, chie ritzu chie in carrotzina. Ma s’apuntamentu cheret mustrare finamentas sas àteras propostas paralìmpicas: rugby, nàdiu, ping pong, atlètica etc.