Poker Cagliari, conca a sa sarvesa

Su de oe fiat unu clàssicu disafiu-sarvesa. E su Cagliari l’at bìnchidu cun grande onore contra a sa Salernitana. Gara perfeta e cun unu resurtadu chi dat grandu ispera. A su de 12 sa primu rete cun Lapadula chi brincat a Ochia, èvitat a Manolas e nche la ponet in intro. A su de 40, cun un’àteru contratacu, Gaetano raddòpiat ponende gosu mannu a sos acudidos a s’Unipol Domus. Shomurodov marcat su 3-0 a comintzu de sa ripresa: tirat a primu e sa botza lui fuit a Ochia, tirat a nou e nudda de fàghere pro sos campanos. Chi nde marcant duas in pagu tempus a su de 56 e a su de 58 cun Kastanos e Maggiore. Ma sos nostros allongant galu a su de 76 torra cun Shomurodov: rinviu faddidu de Fazio, su ruju-biaitu nd’aprofitat e marcat sa de 4.