Sa Torres est torra in possa. 4-1 a su Pescara

Eris su Cesena at bìnchidu 4-0 sa partida contra a sa Virtus Entella allonghende sa distàntzia dae sa Torres. ma oe sos tataresos ant fatu belle ateretantu binchende 4-1 contra a su Pescara tratenende deretu sa fua de sos biancu-nieddos chi, gasi, abarrant semper a +12. Sa cabulista mustrat de custa manera chi cheret artziare a sèrie B sena problemas, ma sa Torres non cheret lassare sa segunda positzione pro si la tentare in sos playoff. De cada manera, sa partida de oe est comintzada cun sa rete de sos òspites a sa mesora cun Merola. Sos nostros parègiant però a su de 45’: cros de Zambataro, Scotto non bi lompet ma Zecca emmo, rete! In su segundu tempus tocat a Ruocco (a su de 48 dae pagu tretu e a su de 66 a pustis de una traversa de Scotto) e torra a Zecca (a su de 78 de su lìmite).