Torres àteros tres puntos, Distàntzia reduida dae su Cesena

Sa Torres b’est. A pustis de una crisi chi at postu a tìmere, sos tataresos sunt mustrende sa fortza issoro. In sa gara de oe sos de Greco collint àteros tres puntos buschende·los in trasferta, in ferrara, contra a sa Spal. Marcadores de custa vitòria, sa de binti in totu su campionadu, Fischnaller e Zecca ambos duos in su segundu tempus. E sa distàntzia est reduida dae su Cesena chi eris at pèrdidu contra a sa Carrarese. Como sunt noe sos puntos intre sas duas iscuadras.