Torres, tres puntos de conca gràtzias a Diakite

Vitòria noa pro sa Torres chi, mancari cun una rete ebbia (marcada dae Diakite), mantenet firma s’idea de punnare a sa mègius resèssida de custu campionadu. Su Cesena (chi giogat cras) paret galu a tesu e duncas a su presente s’obietivu diat pàrrere su de mantènnere sa segunda positzione. Unu a zero, duncas, contra a sa Vis Pesaro. Sa rete est arrivada a tempus oramai iscadidu: cros de Giorico e s’11 de sos tataresos chi nche la ponet intro de conca.