Tzìnema, Visioni sarde in Norvègia

“Visioni sarde” nche lompet a Norvegia. S’istitutu italianu de Cultura de Oslo at a ospitare sa projetzione de bator metràgios curtzos. S’eventu, in programma su 14 de martzu, at a èssere abertu cun sa presentatzione de su nùmeru 19 de sa rivista annuale de su tzìnema italianu “Quaderni del Csci”. Fatu fatu at a tocare a sas pellìculas Dalia de Joe Juanne Piras, Giù cun Giuali de Michela Anedda, Spiaggia libera de Ludovica Zedda e Tilipirche de Francesco Piras. Su progetu Visioni Sarde tenet s’agiudu de sa Regione, de sa Fondazione Sardegna Film Commission, de sa Cineteca di Bologna e de sos assòtzios "Gramsci" de Torino e "Visioni da Ichnussa”.